نبدأ بسم الله
فى الحقيقه مره كنت قاعد مع نفسى وسالتها سؤال صريح
يا نفسى هو انا فى مصر يعنى هى دى مصر بتاعت زمان؟؟؟
قامت نفسى قالتلى لو تحب تتاكد انك فى مصر اسمع
قولتلها قوليلى يا نفسى اللى انتى عايزه تقوليه
قالتلى فى مصر فقط000
لم يذكر السجن فى القران الكريم الا فى مصر (فى سورة يوسف)
فى مصر فقط000 الاموات ينفقون على الاحياء 000 (الفراعنه)
فى مصر فقط000 تجد شخصا اقل منك فى المستوى العلمى وحصل على مجموع 50% فى الثانويه العامه00 لكنه بيتنطط عليك00 (دخل بيهم شرطه)
فى مصر فقط000 توجد السلعوه وهى (مسخ) ناتج عن تزاوج الكلاب الضاله فى جو العاصمه الملوث
فى مصر فقط000 تاكل الحواوشى والشكشوكه والملوخيه بالارانب والمسقعه والكشرى ومحشى الكرنب والكبده الاسكندرانى
فى مصر فقط000 تجد منطقه سكنيه باكملها(سارقه كهربا)00 مثل عزبة الهجانه او الكيلو 4.5 طريق السويس
فى مصر فقط000 ملك فرعونى فنان بنى لنفسه تمثالا ضخما لا تشرق الشمس على وجهه الا مرتين فى السنه00 مره يوم عيد تتويجه ملكا 00ومره يوم عيد ميلاده هو شخصيا000 (صبح00 صبح00 يا عم الحاج)
فى مصر فقط000 وزير(يسرطن) الشعب ثم يرشحه الحزب الحاكم فى انتخابات مجلس الشعب0
فى مصر فقط000 ينادى وزراء التعليم بالغاء مجانية التعليم0
فى مصر فقط000 الاختيارات السياسيه المتاحه امام المواطن هى التصويت بنعم فقط
فى مصر فقط000 ادفع الاول وبعدين اشتكى0
فى مصر فقط000 تم القضاء نهائيا على ظاهرة ادمان الهيروين (بعد ان اصبح البانجو فى متناول ايد الجميع)0
فى مصر فقط000 بولاقان00 بولاق ابو العلا00 وبولاق الدكرور0
فى مصر فقط000 يوجد نوع من المسكنات على هيئة مصطلحات يتم تقديمها للشعب بجرعه مكثفه مثل ( التمثيل المشرف)و(الشفافيه)واهمية الدور الذى يلعبه الشباب000 جيل المستقبل طبعا)
فى مصر فقط000 (كل عقده ولها حل)
كفايه لحد هنا احسن نتمسك
انتومقرتوش حاجه
انتو مشفتوش حاجه
وانا مكتبتش حاجه
ولو انا اتمسكت هقولوهم ان اللى قاللى نفسى
وانتو عارفين يا جماعه قد ايه النفس اماره بالسوء
الا ما رحم ربى
منقوووووووووووووووووول
__________________
هذا المجهول الذي اسمه المستقبل، حكيم بحيث لا يتكلّم قط، يحافظ على أسراره بحيث يترك للإنسان مجال البحث عن منبع لآماله
ليست هناك تعليقات:
إرسال تعليق